വോട്ടെടുപ്പിന് രണ്ടുദിവസം മാത്രം ബാക്കി നിൽക്കെ ട്വൻ്റി ട്വൻ്റിക്ക് തിരിച്ചടിയുമായി എറണാകുളം പൂതൃക്ക പഞ്ചായത്ത് പ്രസിഡൻറ് രാജിവെച്ചു. എൻഡിഎയുമായുള്ള സഖ്യത്തിൽ പ്രതിഷേധിച്ചാണ് രാജിയെന്ന് പ്രസിഡൻറ് പൂജാ ജോമോൻ പറഞ്ഞു .
എൻഡിഎയുമായി സഖ്യം ചേർന്നതിൽ അതൃപ്തി ഉണ്ടായിരുന്നുവെന്നും രാജിക്കാര്യം അറിയിച്ച ഘട്ടത്തിൽ സാബു എം ജേക്കബ് കൊലപ്പെടുത്തുമെന്ന് ഭീഷണിപ്പെടുത്തിയെന്നും പൂജാ ജോമോൻ ആരോപിച്ചു.
എന്നാൽ കോൺഗ്രസ് പൂജയെ പണം കൊടുത്ത വിലയ്ക്കെടുത്തതാണ് എന്നാണ് ആരോപണങ്ങളിൽ ട്വൻ്റി ട്വൻ്റിയുടെ മറുപടി. കുന്നത്തുനാട് മണ്ഡലം കോൺഗ്രസ് സ്ഥാനാർത്ഥി വിപി സജീന്ദ്രന്റെ നേതൃത്വത്തിൽ 20 ലക്ഷം രൂപയുടെ ഡീൽ നടന്നെന്നും കയ്യിൽ തെളിവുകൾ ഉണ്ടെന്നും ട്വന്റി-20 പ്രസിഡന്റ് സാബു എം ജേക്കബ് വ്യക്തമാക്കി.
