മദ്യനയത്തിന്റെ മറവിൽ ഉദ്യോഗസ്ഥരുടെ അധികാരങ്ങൾ പരിമിതപ്പെടുത്തുന്നു എന്ന പ്രചരണം നടത്താൻ എൽ.ഡി.എഫ്. എല്ലാ കാര്യങ്ങളും മന്ത്രി അറിയുന്നത് അഴിമതിക്കുവേണ്ടി എന്നും നിലപാടെടുക്കും.
എക്സൈസ് വകുപ്പിൽ ഉദ്യോഗസ്ഥരുടെ അമിതാധികാരം എന്നാണ് വകുപ്പ് മന്ത്രിയുടെ വിലയിരുത്തൽ. ഇത് പരിമിതപ്പെടുത്തുകയാണ് മദ്യനയത്തിന്റെ പ്രധാന ഉദ്ദേശം. പ്രതിരോധിക്കാൻ എൽഡിഎഫ് അഴിമതി സാധ്യതയാണ് ഉയർത്തുന്നത്. ഉദ്യോഗസ്ഥരുടെ അധികാരം പരിമിതപ്പെടുത്തരുതെന്ന് നിലപാടെടുക്കും. നിലവിൽ ബാറുകൾക്ക് ലൈസൻസ് നൽകാൻ ഡെപ്യൂട്ടി കമ്മീഷണർമാർക്ക് അധികാരമുണ്ട്. ഇത് മന്ത്രി അറിയാതെ ചെയ്യരുത് എന്നാക്കുന്നത് അഴിമതിക്ക് എന്നാണ് ആരോപണം. എൽഡിഎഫ് സർക്കാർ കൊണ്ടുവന്നതല്ല തീരുമാനമെന്നും മന്ത്രി കള്ളം പറയുകയാണെന്നും മുൻ എക്സൈസ് മന്ത്രി എം.ബി രാജേഷ് പറഞ്ഞു.
ടൂറിസം വ്യവസായത്തെ പുറകോട്ട് അടിക്കുന്നതാവും പുതിയ മദ്യനയം എന്നും എൽഡിഎഫ് ആരോപിക്കുന്നു. എന്നാൽ നിലവിൽ ഉദ്യോഗസ്ഥർ ഇടനില നിന്ന് അഴിമതി നടത്താറുണ്ടായിരുന്നു എന്നാണ് വിലയിരുത്തൽ. ഈ മാസം 30ന് തന്നെ മദ്യനയം അവതരിപ്പിക്കാനാണ് നീക്കം.
