പിഎസ്‌സിയുമായി ബന്ധപ്പെട്ട വിവാദങ്ങൾക്കിടെ കേരള പിഎസ്‌സി സെക്രട്ടറിയെ ലോക്ഭവനിലേക്ക് വിളിച്ചുവരുത്തി ഗവർണർ രാജേന്ദ്ര വിശ്വനാഥ് ആർലേക്കർ. പിഎസ്‌സി പരീക്ഷാ ക്രമക്കേടുകളുമായി ബന്ധപ്പെട്ട പരാതികളുടെ പശ്ചാത്തലത്തിലാണ് കൂടിക്കാഴ്ച. പിഎസ്‌സി ചെയർമാനെയും അംഗങ്ങളെയും പിരിച്ചുവിടണമെന്നാവശ്യപ്പെട്ടുള്ള പരാതിയിൽ ഗവർണർ നേരത്തെ നിയമോപദേശം തേടിയിരുന്നു.
പിഎസ്‌സിയുമായി ബന്ധപ്പെട്ട റിപ്പോർട്ടുകളും നടപടികളും സംബന്ധിച്ച് ഗവർണർ വിശദീകരണം തേടുമെന്നാണ് വിവരം. ഗവർണറുടെ ലോക്ഭവൻ സെക്രട്ടേറിയറ്റിന് പിഎസ്‌സി റിപ്പോർട്ടുകളുമായി ബന്ധപ്പെട്ട കാര്യങ്ങളിൽ ഇടപെടാനുള്ള ചുമതലയും ഔദ്യോഗികമായി വ്യക്തമാക്കിയിട്ടുണ്ട്.
