ആരോഗ്യവകുപ്പിൽ ജീവനക്കാരുടെ കുറവ് .പ്രതിസന്ധിയാകുന്നതിനിടയിലും ജീവനക്കാർ അവധിയെടുത്ത് വിദേശത്ത്. 746 പേരാണ് വിദേശ അവധിയിലുള്ളത്. കഴിഞ്ഞ 5 വർഷത്തിനുള്ളിൽ 352 പേരെ പിരിച്ചു വിട്ടതായും വിവരാവകാശ രേഖകൾ വ്യക്തമാക്കുന്നു.
ജീവനക്കാർക്ക് പഠിക്കാനും വിദേശത്ത് ജോലി തേടാനുമൊക്കെയായി ആരോഗ്യവകുപ്പ് അനുവദിക്കുന്നത് 5 വർഷമാണ്. ഈ സൗകര്യത്തിലാണ് ആരോഗ്യവകുപ്പിൽ ജോലി നേടുന്ന പലരും അവധിയെടുത്ത് വിദേശത്തേക്ക് കടക്കുന്നത്. വിദേശത്തുള്ളവരുടെ എണ്ണം 746 ആണെങ്കിൽ 5 വർഷം മറ്റ് അവധിയിൽ ഉള്ള ജീവനക്കാരുടെ എണ്ണം അതിലുമേറെയാണ്. അവധി കണക്ക് പരിശോധിച്ചാൽ ജൂനിയർ നഴ്സ് വിഭാഗത്തിൽ 19,662 നഴ്സിങ് ഓഫീസർ,37 മെഡിക്കൽ ഓഫീസർ, അസി സർജൻ 20, ജൂനിയർ ഹെൽത്ത് ഇൻസ്പെക്ടർ ഗ്രേഡ് 2 ൽ 1, ജൂനിയർ ഹെൽത്ത് ഇൻസ്പെക്ടർ ഗ്രേഡ് 1 ൽ 5,ഒപ്റ്റാമെട്രിസ്‌റ്മാർ 12, ഡെന്റൽ ഹൈ ജീനിക് മാർ -8, 2 റേഡിയോ ഗ്രാഫർമാർ, ഫിസിയോതെറാപിസ്റ്റ് 2, നഴ്സിങ് ടൂട്ടർ-2, ക്ലിനിക്കൽ സൈക്കോളജിസ്റ്റ് 1,,ട്രീറ്റ്മെന്റ് ഓർഗനൈസർമാർ 2 എന്നിങ്ങനെയാണ്. അഞ്ചു വർഷത്തിനിടെ സർക്കാർ അനുവാദമില്ലാതെ അനധികൃത അവധിയെടുത്തതിന് പിരിച്ചുവിട്ടവർ 14 പേരും. ആരോഗ്യവകുപ്പ് അടുത്തിടെ 430 നിയമന ഉത്തരവ് നൽകിയെങ്കിലും 134 ഡോക്ടർമാർ മാത്രമാണ് അത് സ്വീകരിച്ചത്. അതിൽ പകുതിയോളം പേർ മാത്രമാണ് ഡ്യൂട്ടിയിൽ പ്രവേശിച്ചത് എന്നുള്ളതും ശ്രദ്ധേയമാണ്. സംസ്ഥാനത്തെ സർക്കാർ ആശുപത്രികളിൽ ജീവനക്കാരുടെ കുറവ് ഈ വർഷങ്ങൾക്കിടയിൽ പലതവണ ഉയർത്തിക്കാട്ടിയതാണ്. അതിനിടയിലാണ് ഈ വിവരാവകാശ രേഖപുറത്തു വരുന്നതും. സർക്കാർ നൽകുന്ന ഇളവ് മുതലെടുത്താണ് ആരോഗ്യമേഖലയെ ആകെ കുഴക്കുന്ന ഈ അവധിയെടുക്കലും വിദേശയാത്രകളും.
