പോസ്റ്റ്മോർട്ടം റിപ്പോർട്ടിൽ സ്ഥിരീകരണം ഉണ്ടായാൽ രണ്ടാനച്ഛൻറെ അറസ്റ്റ് രേഖപ്പെടുത്തും. രണ്ടാനച്ഛൻ ക്രൂരമായി കുട്ടിയെ മർദ്ദിക്കാറുണ്ട് എന്നാണ് പ്രദേശവാസികൾ പോലീസിന് നൽകിയ മൊഴി.
മൂന്ന് വയസ്സുകാരനായ വിറ്റു പാൻ മരിക്കുന്നത് ഇന്നലെ ഉച്ചയോടെയാണ്. രാവിലെ കളമശ്ശേരി ആശുപത്രിയിൽ കുട്ടിയെ കൊണ്ടുവരുമ്പോൾ കെട്ടിടത്തിൽ നിന്ന് വീണു എന്നായിരുന്നു രണ്ടാം അച്ഛനായ മഹേശ്വർ നൽകിയ മൊഴി. മൊഴിയിൽ പൊരുത്തക്കേടുകൾ അപ്പോൾ തന്നെ ഡോക്ടർമാർക്ക് മനസ്സിലായി. കുട്ടിയുടെ മുഖത്തും ശരീരത്തും ഉള്ള പരിക്കുകൾ ദിവസങ്ങൾ പഴക്കമുള്ളതാണെന്നും രക്തം കട്ടപിടിച്ച പാടുകൾ ശരീരത്തിൽ പലയിടത്തും ഉണ്ടെന്ന് മനസ്സിലായതോടെ പോലീസിനെ അറിയിച്ചു. പോലീസും കസ്റ്റഡിയിലെടുത്ത് ചോദ്യം ചെയ്തു. പ്രദേശം പരിശോധിച്ചപ്പോൾ വീണാൽ പോലും മരണം സംഭവിക്കില്ല എന്നും പോലീസിന് വ്യക്തമായി. നിരന്തരമായി രണ്ടാം അച്ഛൻ മർദ്ദിക്കുന്നുവെന്ന് നാട്ടുകാരും പോലീസിനെ അറിയിച്ചിട്ടുണ്ട്.
ഇപ്പോൾ പോസ്റ്റ്മോർട്ടം റിപ്പോർട്ട് കാത്തിരിക്കുകയാണ് പോലീസ്. മർദ്ദനമാണ് മരണകാരണം എന്ന് ഉറപ്പാക്കിയാൽ ഉടൻ അറസ്റ്റ് ഉണ്ടാകും. കുട്ടിയുടെ അമ്മയും രണ്ടാനച്ഛൻ മർദ്ദിക്കാറുണ്ട് എന്ന മൊഴി പോലീസിന് നൽകിയിട്ടുണ്ട്.
