മന്ത്രിമാർ ഉൾപ്പെടെയുള്ള ജനപ്രതിനിധികളുടെ സാന്നിധ്യത്തിൽ വീടുകളുടെ നറുക്കെടുപ്പ് നടന്നു. ഇതോടെ 327 കുടുംബങ്ങളാണ് സർക്കാരിന്റെ തണലിലേക്ക് മാറുന്നത്. അതേസമയം മാനദണ്ഡത്തിന്റെ പേരിൽ ഗുണഭോക്തൃ ലിസ്റ്റിൽ നിന്ന് മാറ്റിനിർത്തപ്പെട്ടവരെ ഉൾപ്പെടുത്തേണ്ടതുണ്ട് എന്ന ആവശ്യവും ശക്തമാവുകയാണ്.
രണ്ടാംഘട്ട നറുക്കെടുപ്പാണ് ഇന്ന് നടന്നത്. 149 കുടുംബങ്ങൾക്ക് കൂടി വീടുകൾ ലഭിച്ചു. അടുത്ത മാസത്തോടെ നിർമാണ പ്രവൃത്തികൾ പൂർത്തിയാക്കാൻ കഴിയും എന്നാണ് പ്രതീക്ഷ. ഇതോടെ 327 കുടുംബങ്ങൾക്ക് വീടുകൾ ലഭിക്കും. മുണ്ടക്കൈ പാടി, റാട്ട പാടി, പടവട്ടി കുന്ന്, സ്കൂൾ റോഡ് തുടങ്ങിയ പ്രദേശങ്ങളിൽ ഉൾപ്പെട്ട പലരും മാനദണ്ഡങ്ങളുടെ പേരിൽ ലിസ്റ്റിൽ നിന്ന് പുറത്താണ്. ഇവരുടെ കാര്യത്തിൽ പരിശോധന ഉണ്ടാകുമെന്ന് മന്ത്രി ടി സിദ്ദിഖ്. റവന്യൂ മന്ത്രി എപി അനിൽകുമാറാണ് നറുക്കെടുപ്പിന്റെ ഉദ്ഘാടനം നിർവഹിച്ചത്.
