നീതിക്ക് വേണ്ടിയുള്ള പോരാട്ടത്തിൽ ഒപ്പമുണ്ടാകുമെന്ന സർക്കാർ ഉറപ്പുനൽകി. അർഹമായ നീതി ലഭിച്ചില്ലെന്നും കേസിൽ ആശങ്കകളുണ്ടെന്നും കുടുംബം മുഖ്യമന്ത്രിയെ ആശങ്ക അറിയിച്ചു.
ചിറ്റൂരിലെ ജയബാലകൃഷ്ണന്റെ വീട്ടിൽ നേരിട്ട് എത്തിയാണ് മുഖ്യമന്ത്രി വി ഡി സതീശൻ കുടുംബാംഗങ്ങളെ ആശ്വസിപ്പിച്ചത്. 20 മിനിറ്റ് നേരം വീട്ടിൽ ചെലവഴിച്ച മുഖ്യമന്ത്രി കുടുംബത്തിന്റെ ആശങ്കകൾ കേട്ടു. നീതിക്കുവേണ്ടിയുള്ള പോരാട്ടത്തിൽ സർക്കാർ ഒപ്പമുണ്ടെന്ന് മുഖ്യമന്ത്രി കുടുംബത്തിന് ഉറപ്പുനൽകി. 17 കാരൻറെ അച്ഛനായ അഡീഷണൽ ജഡ്ജിക്കെതിരായ പരാതിയടക്കം കുടുംബം മുഖ്യമന്ത്രിക്ക് നൽകി. കേസിലെ ആശങ്കകൾ അറിയിച്ച കുടുംബം, ജഡ്ജി തെളിവുകൾ നശിപ്പിച്ചെന്ന് പരാതിയിൽ പറഞ്ഞു. അപകടം നടന്ന ഉടൻ ജഡ്ജിയും കുടുംബവും മറ്റൊരു വാഹനത്തിൽ അവിടേക്ക് എത്തി. സി സി ടി വി ദൃശ്യങ്ങളിൽ ഇത് കണ്ടതാണെന്നും കുടുംബം മുഖ്യമന്ത്രിയോട് പറഞ്ഞു. ജഡ്ജിയുടെ സസ്പെൻഷൻ കാര്യത്തിൽ തീരുമാനമെടുക്കേണ്ടത് കോടതിയാണെന്ന് വ്യക്തമാക്കി. കോടതിയുടെ തീരുമാനത്തിനുശേഷം തുടർനീക്കം സ്വീകരിക്കുമെന്ന് പറഞ്ഞു.
