കോതമംഗലം എം.എ. എൻജിനീയറിങ് കോളജിൽ വിദ്യാർഥികൾ പ്രഖ്യാപിച്ച അനിശ്ചിതകാല സമരം ഇന്ന് ആരംഭിച്ചു. മൂന്നാം വർഷ സിവിൽ എൻജിനീയറിങ് വിദ്യാർഥി മിച്ചി മർപ്പു ആത്മഹത്യ ചെയ്തതിന് പിന്നാലെയാണ് വിവിധ ആവശ്യങ്ങൾ ഉന്നയിച്ച് സമരം.മിച്ചിയുടെ കുടുംബത്തിന് അർഹമായ നഷ്ടപരിഹാരം നൽകുക, കേരള സാങ്കേതിക സർവകലാശാല മുന്നോട്ടുവച്ച നിർദേശങ്ങൾ എം.എ. കോളജിലും നടപ്പാക്കുക, ഇയർ ബാക്ക് ഒഴിവാക്കുന്നതുൾപ്പെടെയുള്ള നടപടികൾ രേഖാമൂലം പ്രസിദ്ധീകരിക്കുക തുടങ്ങിയവയാണ് പ്രധാന ആവശ്യങ്ങൾ.
