2025 ഒക്ടോബർ 12 ന് മാത്രം വിപണിയിൽ വന്ന NATCO യുടെ Natsmart എന്ന മരുന്ന്, നിലവിൽ മരുന്ന് കഴിക്കുന്നവർക്ക് നൽകരുതെന്നായിരുന്നു അഭ്യർത്ഥന. മാതാപിതാക്കളുടെയും ചികിൽസിക്കുന്ന ഡോക്ടർമാരുടെയും ആശങ്കയകറ്റാൻ അടിയന്തര യോഗം വിളിക്കണമെന്നും രക്ഷിതാക്കൾ ആവശ്യപ്പെട്ടിരുന്നു.
2025 ഒക്ടോബറിൽ മാത്രം വിപണിയിലിറങ്ങിയ Natsmart മരുന്നിന് ഒരു വർഷത്തിൽ താഴെ മാത്രമുള്ള ഡാറ്റയേ ഉണ്ടാവൂ എന്നും അതുകൊണ്ട് ശിശുക്കളിൽ പരീക്ഷണം നടത്തരുത് എന്നുമായിരുന്നു രക്ഷിതാക്കളുടെ പ്രധാന അഭ്യർത്ഥന.
25 വയസുവരെയുള്ളവർക്ക് സൗജന്യ മരുന്ന് നൽകുന്ന പദ്ധതി വരുമ്പോൾ അവർക്ക് Natsmart നൽകാമെന്നും നിലവിൽ മുൻപത്തെ മരുന്ന് കഴിക്കുന്നവർക്ക് അത് തുടരണമെന്നും രക്ഷിതാക്കൾ അഭ്യർത്ഥിച്ചു. SMA ബാധിതരായ 101 കുഞ്ഞുങ്ങളുടെ രക്ഷിതാക്കൾ ഒപ്പിട്ട നിവേദനമാണ് ആരോഗ്യ മന്ത്രിക്കയച്ചത്. എന്നാൽ നാളിതു വരെയായിട്ടും ആശങ്ക പരിഹരിക്കുന്നതിനുള്ള നടപടികളൊന്നുമായില്ല. ജനറിക് കമ്പനിയോട് ശിശുക്കളിലെ ദീർഘകാല സുരക്ഷ ഡാറ്റ ആവശ്യപ്പെടണമെന്നും രക്ഷിതാക്കൾ നിർദ്ദേശിച്ചിരുന്നു. Evrysdi 21,000ലധികം രോഗികളിൽ പരീക്ഷിച്ചതാണ്, Natsmart ന് താരതമ്യ ഫലപ്രാപ്തി പഠനമില്ല, നാറ്സ്‍മസ്ത് പ്രോട്ടീൻ വർദ്ധനവ് തെളിയിച്ചിട്ടില്ല, Evrysdi ക്ക് 4 ആഴ്ചയിൽ SMN പ്രോട്ടീൻ 2 മടങ്ങ് കൂട്ടുമെന്ന് തെളിഞ്ഞതാണ്- തുടങ്ങിയവയായിരുന്നു രക്ഷിതാക്കൾ കത്തിൽ ഉയർത്തിയ പ്രധാന ആശങ്ക.
