പ്രതിയായ 17 വയസുകാരന്റെ യാത്രയുടെ CCTV ദൃശ്യങ്ങളും പോലിസ് പരിശോധിക്കുന്നുണ്ട്. അതേസമയം 17 വയസ്സുകാരൻ കാറുമായി അമിത വേഗതയിൽ യാത്ര ചെയ്യുന്ന CCTV ദൃശ്യങ്ങൾ പുറത്തുവന്നു.
അപകട ദിവസം രാത്രി 1:37ന് വീട്ടിൽ നിന്ന് ഇറങ്ങിയ 17 വയസ്സുകാരൻ ആലുവയിൽ നിന്ന് യാത്ര തുടങ്ങിയത് തന്നെ അമിതവേഗതയിലാണ്. ബെൻസ് കാറുമായി 4 കിലോമീറ്റർ സഞ്ചരിക്കാൻ വേണ്ടിവന്നത് 2 മിനിറ്റ് മാത്രം.
കളമശ്ശേരിയിൽ നിന്ന് പിന്നീട് കണ്ടെയ്നർ റോഡിലേക്ക് പോയ കാർ അമിതവേഗത തുടർന്നു. ഈ യാത്രയുടെ റൂട്ട് മാപ്പ് തയ്യാറാക്കുകയാണ് അന്വേഷണ സംഘം. 17 കാരൻ താമസിക്കുന്ന ഫ്ലാറ്റ് മുതൽ അപകടം സംഭവിച്ച സ്ഥലം വരെയുള്ള യാത്രയുടെ CCTV ദൃശ്യങ്ങളും സംഘം ശേഖരിക്കുന്നുണ്ട്. ബൈക്കും കാറുമായി 17 വയസുകാരൻ രാത്രിയിൽ പതിവായി പുറത്തിറങ്ങുന്ന വിവരം സംബന്ധിച്ച വിവരങ്ങളും പോലിസ് ശേഖരിക്കുന്നുണ്ട്. ക്രൈം ബ്രാഞ്ച് ACP മനോജ്‌ കുമാറിന്റെ നേതൃത്വത്തിലാണ് നിലവിലെ കേസ് അന്വേഷണം.
