ചേരാനല്ലൂർ അപകടത്തിൽ പ്രതിയെ രക്ഷിക്കാൻ ശ്രമം നടക്കുന്നതായി മരിച്ച ജയബാലകൃഷ്ണന്റെ കുടുംബം. വാഹന ഉടമയായ പിതാവിന്റെ പേര് FIR ൽ നിന്ന് ഒഴിവാക്കിയതിൽ സംശയമുണ്ട് എന്നാണ് കുടുംബത്തിന്റെ ആരോപണം. പ്രതിയായ പതിനേഴുകാരന് സ്റ്റേഷൻ ജാമ്യം നൽകി വിടാൻ പോലിസിനുമേൽ സമ്മർദ്ദം ശക്തമാണ്.
ചേരാനല്ലൂരിൽ ബെൻസ് വാഹനം ഇടിച്ച് മരിച്ച ജയബാലകൃഷ്ണന്റെ കുടുംബത്തിന്റെ ഈ ആരോപണം ശരിവെയ്ക്കുന്ന നീക്കങ്ങളാണ് പോലീസ് സ്റ്റേഷനിൽ നടന്നത്. കേസിലെ പ്രതിയായ 17 വയസുകാരനെ സ്റ്റേഷൻ ജാമ്യം നൽകാൻ പോലീസിന് മേൽ സമ്മർദ്ദമുണ്ടായി. പ്രതിയെ ജുവനൈൽ ജസ്റ്റിസ് ബോർഡിന് മുന്നിൽ ഹാജരാക്കണമെന്നായിരുന്നു പോലിസ് നിലപാട്. എന്നാൽ കുട്ടിയെ ഹാജരാക്കേണ്ടതില്ല എന്ന നിർദ്ദേശമാണ് പോലീസിന് ലഭിച്ചത്. പകരം ജാമ്യം നൽകാനുള്ള നിർദ്ദേശമാണ് ലഭിച്ചത്. അതേസമയം വാഹന ഉടമയായ ജഡ്‌ജിനെ കേസിൽ പ്രതി ചേർക്കാതിരിക്കാനുള്ള നീക്കങ്ങളും നടക്കുന്നുണ്ട്. വാഹന ഉടമയുടെ പേര് ഉൾപ്പെടുത്താതെയാണ് പോലീസ് FIR തയ്യാറാക്കിയിരിക്കുന്നത്.
അപകട വിവരം അറിഞ്ഞ് പോലീസ് സ്റ്റേഷനിൽ എത്തിയപ്പോൾ വാഹന ഉടമയായ ജഡ്ജ് റിനോ സേവിയർ മോശമായി പെരുമാറി എന്ന് കുടുംബം ആരോപിക്കുന്നു.സംഭവത്തിൽ നിയമപോരാട്ടം തുടരനാണ് കുടുംബത്തിന്റെ തീരുമാനം.
