പ്രധാനമന്ത്രി ആവാസ് യോജന പദ്ധതിപ്രകാരം നിർമ്മിക്കുന്ന വീടുകളിൽ കേന്ദ്രസർക്കാരിന്റെ എംബ്ലം വെക്കുന്നതുമായി ബന്ധപ്പെട്ട പരാമർശത്തിൽ വിശദീകരണവുമായി തദ്ദേശസ്വയംഭരണ വകുപ്പ് മന്ത്രി കെ.എം. ഷാജി രംഗത്ത്. പിഎംഎവൈ വീടുകളിൽ വെയ്ക്കുന്ന എംബ്ലത്തിൽ പ്രധാനമന്ത്രിയുടെ പടമില്ലെന്നും പ്രധാനമന്ത്രിയുടെ പടമുള്ള എംബ്ലം വെയ്ക്കാൻ താൻ പറഞ്ഞിട്ടില്ലെന്നും അദ്ദേഹം വ്യക്തമാക്കി.ലോഗോ വെക്കാമെന്ന തന്റെ പ്രസ്താവന തെറ്റായി വ്യാഖ്യാനിക്കപ്പെട്ടുവെന്നും, കേന്ദ്രസർക്കാർ എംബ്ലം ഉപയോഗിക്കുന്നതിൽ തെറ്റില്ലെന്ന നിലപാടിലാണ് താനെന്നും ഷാജി പറഞ്ഞു. കേന്ദ്രസർക്കാരുമായി ആദർശപരമായ വിട്ടുവീഴ്ചയില്ലെങ്കിലും വികസനാനുകൂല്യങ്ങൾ തടയുന്ന നിലപാട് സ്വീകരിക്കാനാകില്ലെന്നും അദ്ദേഹം വിശദീകരിച്ചു.
അതേസമയം, വിഷയത്തിൽ കടുത്ത വിമർശനവുമായി സിപിഎം രംഗത്തെത്തി. മോദിയാണ് ഷാജിയുടെ തങ്ങളെന്ന് എം.പി എ എ റഹീം പറഞ്ഞു.കെഎം ഷാജിക്ക് മാറ്റമുണ്ടെന്നും മാറ്റം ബിജെപിക്ക് അനുകൂലമാണെന്നുമാണ് എകെ ബാലൻ്റെ വിമർശനം. പ്രതിപക്ഷ നേതാവ് പിണറായി വിജയൻ ഉൾപ്പെടെ വിമർശനം ഉന്നയിച്ച വിഷയത്തിൽ മുസ്ലിം ലീഗ് അണികളും സാമൂഹ്യമാധ്യമങ്ങളിലൂയടെ പ്രതിഷേധിച്ചു.
