പാകിസ്ഥാൻ വ്യോമപാത വിലക്ക് തുടരുന്നതിനിടെ, ബദൽ വ്യോമപാതയ്ക്കായി ചൈനയുമായി ചർച്ച നടത്തി ഇന്ത്യ. പാകിസ്ഥാൻ വ്യോമപാത ഒഴിവാക്കി സർവീസുകൾ നടത്തുന്നതിനായി ചൈനീസ് വ്യോമപാത ഉപയോഗിക്കുന്നതുമായി ബന്ധപ്പെട്ടാണ് ചർച്ചകൾ നടക്കുന്നതെന്നാണ് ഔദ്യോഗിക വൃത്തങ്ങളെ ഉദ്ധരിച്ചുള്ള റിപ്പോർട്ട്.
ചൈനയിലെ സിൻജിയാങ് മേഖലയിലൂടെ കടന്നുപോകുന്ന വ്യോമപാത ഉപയോഗിക്കുന്നത് സംബന്ധിച്ചാണ് പ്രധാനമായും ആലോചന. ബദൽ റൂട്ട് ലഭ്യമായാൽ പാകിസ്ഥാൻ വ്യോമപാത ഒഴിവാക്കി യൂറോപ്പ് ഉൾപ്പെടെയുള്ള ദീർഘദൂര സർവീസുകൾ കൂടുതൽ കാര്യക്ഷമമായി നടത്താൻ ഇന്ത്യൻ വിമാനക്കമ്പനികൾക്ക് സാധിച്ചേക്കും.
പാകിസ്ഥാൻ വ്യോമപാത ഒഴിവാക്കേണ്ടി വരുന്നതോടെ നിലവിൽ ഇന്ത്യൻ വിമാനങ്ങൾക്ക് യാത്രാദൂരം വർധിക്കുന്നതിനൊപ്പം ഇന്ധനച്ചെലവും യാത്രാസമയവും കൂടുന്നുണ്ട്. ഈ സാഹചര്യത്തിലാണ് ചൈനീസ് വ്യോമപാത ഉപയോഗിക്കാനുള്ള സാധ്യത ഇന്ത്യ പരിശോധിക്കുന്നത്.
