പത്തനംത്തിട്ട ജില്ലയിൽ ആദ്യമായി ഷിഗല്ല രോഗം സ്ഥിരീകരിച്ചു. എഴിക്കാട് ഉന്നതി സ്വദേശിനിയായ 10 വയസ്സുകാരിക്കാണ് രോഗബാധ സ്ഥിരീകരിച്ചത്. കോഴഞ്ചേരി ജില്ലാ ആശുപത്രിയിൽ ചികിത്സയിൽ കഴിയുന്ന കുട്ടിയുടെ ആരോഗ്യനില തൃപ്തികരമാണെന്ന് ജില്ലാ മെഡിക്കൽ ഓഫീസർ അറിയിച്ചു.
രോഗം സ്ഥിരീകരിച്ചതിനെ തുടർന്ന് ആരോഗ്യവകുപ്പിന്റെ നേതൃത്വത്തിൽ പ്രദേശത്ത് ശുചീകരണ പ്രവർത്തനങ്ങൾ ഊർജിതമാക്കി. ജലസ്രോതസ്സുകളിൽ ക്ലോറിനേഷൻ ഉൾപ്പെടെയുള്ള പ്രതിരോധ നടപടികൾ പുരോഗമിക്കുകയാണ്. രോഗബാധയുടെ ഉറവിടം കണ്ടെത്തുന്നതിനുള്ള അന്വേഷണവും ആരംഭിച്ചിട്ടുണ്ട്.
കുട്ടി പഠിക്കുന്ന സ്കൂളിലും ആരോഗ്യവകുപ്പ് പരിശോധന നടത്തിവരികയാണ്. പ്രദേശത്ത് മറ്റാർക്കെങ്കിലും ഷിഗെല്ലയുടെ രോഗലക്ഷണങ്ങളുണ്ടോയെന്ന് കണ്ടെത്താൻ ആരോഗ്യ സർവേയും ശക്തമാക്കിയിട്ടുണ്ട്.ജില്ലയിൽ ആദ്യമായി ഷിഗെല്ല റിപ്പോർട്ട് ചെയ്ത സാഹചര്യത്തിൽ ആരോഗ്യവകുപ്പ് അതീവ ജാഗ്രതയിലാണ്. പനി, വയറിളക്കം, ഛർദി, രക്തം കലർന്ന മലവിസർജനം തുടങ്ങിയ ലക്ഷണങ്ങൾ ഉണ്ടായാൽ ഉടൻ ചികിത്സ തേടണമെന്ന് ആരോഗ്യ
