കേരളാ ക്രിക്കറ്റ് അസോസിയേഷന്റെ കേരളാ ക്രിക്കറ്റ് ലീഗിന്റെ മൂന്നാം സീസണിന് തുടക്കമായി. കാര്യവട്ടം ഗ്രീൻഫീൽഡ് സ്റ്റേഡിയത്തിൽ നടന്ന വർണാഭമായ ചടങ്ങിലായിരുന്നു പുതിയ സീസണിന്റെ ഉദ്ഘാടനം. ചലച്ചിത്രതാരം നരേൻ ചടങ്ങിൽ മുഖ്യാതിഥിയായി.
ഉദ്ഘാടന മത്സരത്തിൽ കാലിക്കറ്റ് ഗ്ലോബ്സ്റ്റാർസിനെതിരെ തൃശൂർ ടൈറ്റൻസ് ഏഴ് വിക്കറ്റിന്റെ വിജയം സ്വന്തമാക്കി. രണ്ടാം മത്സരത്തിൽ നിലവിലെ ചാമ്പ്യന്മാരായ കൊച്ചി ബ്ലൂ ടൈഗേഴ്സും കൊല്ലം ഏരീസ് സെയിലേഴ്സും ഏറ്റുമുട്ടി.പതിനേഴ് ദിവസം നീളുന്ന കേരളാ ക്രിക്കറ്റ് ലീഗ് മാമാങ്കത്തിന് സെപ്റ്റംബർ അഞ്ചിന് സമാപനമാകും.
