അമ്പൂരിയിൽ ട്രാവലർ കയറി മൂന്നു വയസ്സുകാരി മരിച്ച സംഭവം ; ജീവനൊടുക്കാൻ ശ്രമിച്ച് അമ്മ

തിരുവനന്തപുരം അമ്പൂരിയിൽ ട്രാവലർ കയറി മൂന്ന് വയസുകാരി മരിച്ച സംഭവത്തിൽ കുട്ടിയുടെ മാതാവ് നിസ ആത്മഹത്യക്ക് ശ്രമിച്ചു.ഗുരുതരാവസ്ഥയിലായ നിസയെ കാട്ടാക്കടയിലെ സ്വകാര്യ ആശുപത്രിയിൽ പ്രവേശിപ്പിച്ചിരിക്കുകയാണ്.  ശനിയാഴ്ച വൈകിട്ടാണ് അമ്പൂരി കുമ്പിച്ചൽക്കടവ് പാലത്തിന് സമീപമാണ് അപകടമുണ്ടായത്. വിനോദയാത്രയ്ക്കെത്തിയ കുടുംബം സഞ്ചരിച്ചിരുന്ന ടെമ്പോ ട്രാവലർ ഹാൻഡ് ബ്രേക്ക് വിട്ടതിനെ തുടർന്ന് മുന്നോട്ട് ഉരുണ്ടുനീങ്ങി മൂന്ന് വയസുകാരി ഋതുവേദയുടെ ദേഹത്തുകൂടി കയറിയിറങ്ങുകയായിരുന്നു. ഗുരുതരമായി പരിക്കേറ്റ കുട്ടിയെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.ഇന്നലെ വൈകിട്ട് ആറ് മണിക്കാണ് അപകടം.കുടുംബത്തോടൊപ്പം പാലം കാണാൻ വന്നതായിരുന്നു കുട്ടി.