തൃശ്ശൂർ അമല, ജൂബിലി മിഷൻ ആശുപത്രികളിലെ നഴ്സുമാരുടെ സമരത്തിൽ പ്രശ്നപരിഹാരം ലക്ഷ്യമിട്ട് നാളെ ചർച്ച നടക്കും. ആശുപത്രി മാനേജ്മെന്റ് പ്രതിനിധികളും യുഎൻഎ ഭാരവാഹികളും തമ്മിലാണ് ചർച്ച.വേതന വർധന ആവശ്യപ്പെട്ടുള്ള അമല – ജൂബിലി മിഷൻ ആശുപത്രികളിലെ നേഴ്സുമാർ നടത്തുന്ന സമരം മൂന്നുമാസം തുടരുകയാണ്. ആരോഗ്യമന്ത്രി അടക്കം ഇടപെട്ടിട്ടും മാനേജ്മെന്റുകൾ കടുംപിടുത്തം തുടർന്നു. സമരം കടുപ്പിക്കാൻ യുഎൻഎ നീക്കം തുടങ്ങിയതോടെയാണ് ചർച്ചയ്ക്കു വഴിയൊരുങ്ങുന്നത്. നാളെ ഉച്ചയ്ക്ക് മൂന്നുമണിക്ക് ജൂബിലി മിഷൻ ആശുപത്രിയിൽ ഇരു മാനേജ്മെന്റുകളും യുഎൻഎയുമായി ചർച്ച നടത്തും. ആവശ്യങ്ങൾ അംഗീകരിക്കാത്ത പക്ഷം തിങ്കളാഴ്ച മുതൽ തൃശ്ശൂർ ജില്ലയിൽ സമ്പൂർണ്ണ പണിമുടക്കിനാണ് തീരുമാനം. ഇതു സംബന്ധിച്ച് മറ്റ് ആശുപത്രികൾക്കും നോട്ടീസ് നൽകിയിട്ടുണ്ട്. അതിനാൽ മറ്റ് ആശുപത്രി മാനേജ്മെന്റുകളുടെ സമ്മർദ്ദവും അമല ജൂബിലി മിഷൻ ആശുപത്രികൾ നേരിടുന്നുണ്ട്.
അമല-ജൂബിലി മിഷൻ നഴ്സുമാരുടെ സമരം; നാളെ നിർണായക ചർച്ച
1 min read
