ടിനി ടോമിനെതിരെ അന്സിബ ഹസന് നല്കിയ പരാതിയില് അമ്മ എക്സിക്യൂട്ടീവ് കമ്മിറ്റി അംഗം നടി നീന കുറുപ്പിന്റെ മൊഴിയെടുത്ത് പൊലീസ്. കടവന്ത്ര പൊലീസാണ് നീന കുറുപ്പിന്റെ വീട്ടിലെത്തി മൊഴിയെടുത്തത്. ടിനി ടോമിനെതിരെ അൻസിബ ഹസ്സൻ ഉന്നയിച്ച പരാതിയിലെ പ്രധാന സാക്ഷി നടി നീനക്കുറുപ്പ് ആയിരുന്നു.കുടുംബ സംഗമത്തിനിടെ ഉണ്ടായ സംഭവങ്ങളിൽ അന്സിബ നല്കിയതിന് സമാനമായ ഒരു പരാതി നീന കുറുപ്പ് അമ്മ എക്സിക്യൂട്ടീവിന് നല്കിയിരുന്നു. അന്സിബയോട് ടിനി ടോം മോശമായി പെരുമാറിയെന്നും,സ്ത്രീത്വത്തെപ്പോലും അപമാനിക്കുന്ന രീതിയില് ടിനി ടോം അസഭ്യം പറഞ്ഞുവെന്നും നീന കുറുപ്പ് എക്സിക്യൂട്ടീവിന് നല്കിയ പരാതിയില് ഉണ്ടായിരുന്നു. അൻസിബയുടെ പരാതി ശരിവച്ചുള്ള നീനാക്കുറിപ്പിന്റെ മൊഴി ടിനി ടോമിന് കുരുകാക്കും.
ഈ മാസം 21 ന് ചേരാനിരിക്കുന്ന ജനറൽ ബോഡി യോഗത്തിന്റെ അജണ്ടകളും തയ്യാറെടുപ്പുകളുമായിരുന്നു കഴിഞ്ഞദിവസം ചേർന്ന എക്സിക്യൂട്ടീവ് കമ്മിറ്റി യോഗത്തിൻ്റെ പ്രധാന ചർച്ച.വാർഷിക റിപ്പോർട്ട് തയ്യാറാക്കുന്ന നടപടിക്കാണ് കമ്മിറ്റി കൂടുതൽ സമയം ചെലവഴിച്ചത്.അൻസിബ വിഷയം എക്സിക്യൂട്ടീവ് കമ്മിറ്റിയിൽ ചർച്ചചെയ്യാൻ ടിനിടോം ശ്രമിച്ചെങ്കിലും നീനക്കുറിപ്പ് എതിർത്തു.അൻസിബ വിഷയം ജനറൽബോഡി യോഗത്തിൽ പരസ്യ ചർച്ചയ്ക്കാകും വഴിയൊരുക്കുക
