തൃശൂരിൽ കേരള വാട്ടർ അതോറിറ്റി ജലശുദ്ധീകരണശാലയിലെ ക്ലാരിഫയറിൽ വീണ് ഓപ്പറേറ്റർ മരിച്ചു. മേലൂർ സ്വദേശി പെരേപ്പാടൻ വീട്ടിൽ ജോസഫ് ആണ് മരിച്ചത്. കാടുകുറ്റി പഞ്ചായത്തിലെ വൈന്തലയിൽ പ്രവർത്തിക്കുന്ന കേരള വാട്ടർ അതോറിറ്റി ജലശുദ്ധീകരണശാലയിലെ ക്ലാരിഫയറിൽ വീണാണ് മരിച്ചത്.
രാത്രി 9.30ന് ഭക്ഷണം കഴിക്കുന്ന സമയത്താണ് ജോസഫിനെ കാണാനില്ലെന്ന കാര്യം സഹപ്രവർത്തകർ ശ്രദ്ധിച്ചത്. തുടർന്ന് ഫയർഫോഴ്സ്സിനെ വിവരം അറിയിക്കുകയായിരുന്നു. ഫയർഫോഴ്സ് നടത്തിയ തെരച്ചിലിലാണ് ക്ലാരിഫയറിനുള്ളിൽ ജോസഫിനെ മരിച്ചനിലയിൽ കണ്ടെത്തിയത്. മാള ഫയർ ആൻഡ് റെസ്ക്യൂ സംഘം മൃതദേഹം പുറത്തെടുത്ത് ചാലക്കുടി താലൂക്ക് ആശുപത്രിയിലേക്ക് മാറ്റി. കാൽതെറ്റി ക്ലാരിഫയറിൽ വീണതാകാമെന്നാണ് പ്രാഥമിക നിഗമനം.
