സംസ്ഥാനത്ത് ജൂലൈ നാല് വരെ ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്. ഇന്ന് 12 ജില്ലകളിലാണ് മഴ മുന്നറിയിപ്പുള്ളത്. വടക്കൻ കേരളത്തിലായിരിയ്ക്കും മഴ കനക്കുക. കണ്ണൂർ കാസർഗോഡ് ജില്ലകളിൽ ഓറഞ്ച് അലേർട്ട് പ്രഖ്യാപിച്ചു.മഴയോടൊപ്പം ശക്തമായ കാറ്റിന് സാധ്യതയുള്ളതിനാൽ മലയോര തീരദേശ മേഖലകളിൽ പ്രത്യേക ജാഗ്രത പാലിക്കണമെന്നും നിർദേശം. കേരള ലക്ഷദ്വീപ് കർണാടക തീരങ്ങളിൽ മത്സ്യബന്ധനത്തിന് വിലക്കുണ്ട്. അതേസമയം കാലവർഷ സീസണിലെ ആദ്യ ന്യൂനമർദ്ദ പാത്തി കേരള മഹാരാഷ്ട്ര തീരത്ത് രൂപപ്പെട്ടു. ബുധനാഴ്ചയോടെ ബംഗാൾ ഉൾക്കടലിൽ ന്യൂനമർദ്ദം രൂപപ്പെടാൻ സാധ്യതയെന്നും പ്രവചനം.
കേരളത്തിൽ ജൂലൈ നാല് വരെ ശക്തമായ മഴയ്ക്ക് സാധ്യത;ഇന്ന് 12 ജില്ലകളിൽ മഴ മുന്നറിയിപ്പ്
1 min read
