കോട്ടയം ഇല്ലിക്കൽ കല്ലിൽ കയറി യുവാക്കളുടെ അപകടകരമായ അഭ്യാസപ്രകടനം. ഇന്ന് രാവിലെ ആറരയോടെയാണ് സംഭവം. ഇല്ലിക്കൽ കല്ലിന്റെ പുറകുവശത്തുകൂടി, അനുമതിയില്ലാത്ത പാതയിലൂടെ ട്രക്കിങ് നടത്തിയാണ് യുവാക്കൾ പ്രവേശനവിലക്കുള്ള കല്ലിന് മുകളിലെത്തിയത്. നാട്ടുകാരും അധികൃതരും ചേർന്ന് ഏറെ പ്രയാസപ്പെട്ടാണ് ഇവരെ താഴെയിറക്കിയത്.
ഒരാഴ്ച മുൻപും ഒരു യുവാവ് ഇവിടെനിന്ന് വീണ് പരിക്കേറ്റിരുന്നു. നിരന്തരം അപകടങ്ങളുണ്ടാകുന്ന ഈ മേഖലയിൽ യുവാക്കളുടെ ഇത്തരം അഭ്യാസപ്രകടനങ്ങൾക്ക് കർശന നിയന്ത്രണം ഏർപ്പെടുത്തണമെന്നാണ് നാട്ടുകാരുടെ ആവശ്യം.
