തൃശൂർ ജില്ലയിലെ സ്വകാര്യ ആശുപത്രികളിൽ യുഎൻഎയുടെ നേതൃത്വത്തിൽ നഴ്സുമാരുടെ ഇന്ന് സൂചന പണിമുടക്ക് നടത്തും. അമല , ജൂബിലി മിഷൻ ആശുപത്രികളിലെ വേതന വർദ്ധന ആവശ്യപ്പെട്ടു. യുഎൻഎ തൃശ്ശൂർ ലേബർ ഓഫീസ് മാർച്ചിനിടെ പോലീസ് ലാത്തി വീശിയതിൽ പ്രതിഷേധിച്ചാണ് പണിമുടക്ക്.മൂന്നിലൊന്ന് നേഴ്സുമാർ മാത്രമേ ജോലിക്കെത്തു. ലാത്തിചാർജിൽ പ്രതിഷേധിച്ച് സംസ്ഥാന വ്യാപകമായി ഇന്ന് കരിദിനം ആചരിക്കും. സർക്കാർ പോലും സമരത്തോടും മുഖം തിരിക്കുന്ന മനോഭാവമാണ് സ്വീകരിക്കുന്നത് എന്നാണ് യുഎൻഎ പറയുന്നത്. ഇന്ന് തൊഴിൽ വകുപ്പ് മന്ത്രിയുടെ നേതൃത്വത്തിൽ ചർച്ച നടത്താമെന്ന് അറിയിച്ചിരുന്നെങ്കിലും ഇന്നലെ വൈകുന്നേരത്തോടെ അതു മാറ്റിവെച്ചു . സർക്കാർതലത്തിൽ ചർച്ചകൾ പോലും നടത്താതെ സമരമട്ടിമറിക്കാനുള്ള നീക്കമാണ് ഇപ്പോൾ നടക്കുന്നതെന്നാണ് യുഎൻഎയുടെ ആരോപണം.
തൃശൂരിൽ ഇന്ന് നഴ്സുമാരുടെ സൂചന പണിമുടക്ക്,മറ്റുജില്ലകളില് കരിദിനം
1 min read
