സംസ്ഥാനത്ത് ഇന്ന് മുതൽ മഴ കുറയാൻ സാധ്യതയെന്ന് കേന്ദ്ര കാലാവസ്ഥാ വകുപ്പിന്റെ മുന്നറിയിപ്പ്.ഇന്നുമുതൽ ഒരു ജില്ലയിലും മഴ മുന്നറിയിപ്പ് പ്രഖ്യാപിച്ചിട്ടില്ല. എല്ലാ ജില്ലകളിലും ഇടത്തരം മഴയ്ക്ക് മാത്രമാണ് സാധ്യതയെന്ന് കാലാവസ്ഥാ വകുപ്പിന്റെ വിലയിരുത്തൽ. മഴയുടെ ശക്തി കുറഞ്ഞിട്ടുണ്ടെങ്കിലും ചിലയിടങ്ങളിൽ 40 മുതൽ 50 കിലോമീറ്റർ വരെ വേഗത്തിൽ കാറ്റ് വീശാൻ സാധ്യതയുണ്ട് അതിനാൽ ജാഗ്രത തുടരണം എന്നാണ് നിർദ്ദേശം. മത്സ്യബന്ധനത്തിന് ഏർപ്പെടുത്തിയിരുന്ന വിലക്കും പിൻവലിച്ചിട്ടുണ്ട്.
ഗുജറാത്ത് തീരം മുതൽ മഹാരാഷ്ട്ര തീരം വരെയുള്ള ന്യൂനമർദപാത്തി ദുർബലമായതാണ് മഴ കുറയാൻ കാരണം.നിലവിൽ തെലങ്കാന മുതൽ മധ്യകിഴക്കൻ അറബിക്കടൽ വരെ ഒരു ന്യൂനമർദ്ദ പാത്തിയും, മധ്യ ഉത്തർപ്രദേശിന് മുകളിലായി ഒരു ന്യൂനമർദ്ദ മേഖലയും നിലനിൽക്കുന്നുണ്ടെങ്കിലും ഇവ വരും മണിക്കൂറുകളിൽ ദുർബലമാകും.
