പാലക്കാട് അകത്തേത്തറയിൽ പട്ടാപ്പകൽ വിദ്യാർഥിനിയെ തള്ളിയിട്ട് മാല കവർന്നു. ഇന്നലെ ഉച്ചയ്ക്ക് അകത്തേത്തറ ജി യു പി സ്കൂളിന് സമീപം പരീക്ഷ കഴിഞ്ഞ് മടങ്ങവേ കുട്ടികളെ പിന്തുടർന്നെത്തിയ രണ്ട് യുവാക്കൾ മാല പൊട്ടിച്ച് ഓടുകയായിരുന്നു. എന്നാൽ മാല സ്വർണമായിരുന്നില്ല. കവർച്ചക്കിടെ കുട്ടികൾക്ക് പരുക്ക് പറ്റിയെങ്കിലും ഗുരുതരമല്ല. മോഷ്ടാക്കൾ കുട്ടികളെ പിന്തുടരുന്ന സിസിടിവി ദൃശ്യങ്ങൾ ലഭിച്ചിട്ടുണ്ട്.
സംഭവത്തിന് പിന്നാലെ പൊലീസ് അന്വേഷണം ഊർജിതമാക്കിയെങ്കിലും പ്രതികളെ കണ്ടെത്താനായിട്ടില്ല. പ്രതികൾ സഞ്ചരിച്ചതെന്ന് കരുതുന്ന മഹാരാഷ്ട്ര രജിസ്ട്രേഷൻ കാർ വാളയാർ ടോൾ പ്ലാസ കടക്കുന്നതിന്റെ ദൃശ്യങ്ങളും പൊലീസിന് ലഭിച്ചു. പ്രതികൾ അതിർത്തി വിട്ടതായാണ് സൂചന. സംഭവത്തിൽ ഹേമാംബിക നഗർ പൊലീസ് കേസെടുത്തു അന്വേഷണം ആരംഭിച്ചു
