തെരുവുനായ ശല്ല്യം രൂക്ഷമായതിനെ തുടർന്ന് തൃശ്ശൂർ ചൂണ്ടൽ ഗവൺമെന്റ് യുപി സ്കൂളിന് ഇന്നും അവധി പ്രഖ്യാപിച്ചു.കഴിഞ്ഞ 23-ന് സ്കൂളിലെ ഒരു വിദ്യാർത്ഥിയെ തെരുവുനായ കടിച്ചിരുന്നു. പിന്നീട് ആ നായ ചാവുകയും നായക്ക് പേവിഷബാധ സ്ഥിരീകരിയ്ക്കുകയും ചെയ്തു.ഇതോടെ ആശങ്കയിലായിരിയ്ക്കുകയാണ് നാട്ടുക്കാർ.സ്കൂൾ അധികൃതരുടെ പരാതിയെ തുടർന്ന് പഞ്ചായത്ത് ആറു നായ്ക്കളെ പ്രദേശത്ത് നിന്ന് പിടികൂടി.ഇവയെ പഞ്ചായത്ത് സംരക്ഷിക്കുമെന്ന് അധികൃതർ വ്യക്തമാക്കി ഇതിനിടെ സ്കൂളിലെ ഷെഡ്ഡിൽ ഒരു പട്ടി പെറ്റതോടെ കുട്ടികൾക്ക് ഗ്രൗണ്ടിൽ ഇറങ്ങാൻ പറ്റാത്ത സ്ഥിതിയായി. ഇക്കാര്യങ്ങളെല്ലാം പരിഗണിച്ചാണ് രണ്ട് ദിവസത്തെ അവധി നൽകിയത്.
സ്കൂളിൽ സ്ഥിരമായി എത്തുന്ന പട്ടികളെ പിടികൂടണമെന്നും പ്രശ്നം പൂർണമായി പരിഹരിച്ചാൽ മാത്രമെ നാളെ സ്കൂൾ തുറക്കുന്നത് സംബന്ധിച്ച് തീരുമാനമെടുക്കാൻ കഴിയുള്ളുവെന്നും പ്രധാനാധ്യാപിക അറിയിച്ചു. തെരുവുനായ ശല്ല്യത്തിൽ പ്രതിഷേധിച്ച് ചൂണ്ടൽ പഞ്ചായത്തിലേക്ക് കോൺഗ്രസ് മാർച്ച് നടത്തി.
