തിരുവനന്തപുരം അർബൻ ത്രീ ഐസിഡിഎസ് പ്രോജക്ടിലെ ശിശു വികസന ഓഫീസർ സജിത വി. നായരെ സസ്പെൻഡ് ചെയ്തു. അങ്കണവാടികളിലേക്ക് വിതരണം ചെയ്ത പ്രീ-സ്കൂൾ കിറ്റുകൾ, ഭക്ഷ്യവസ്തുക്കൾ, കുട്ടികൾക്കായുള്ള കളിപ്പാട്ടങ്ങൾ എന്നിവയുടെ വാങ്ങലിൽ ക്രമക്കേടും അഴിമതിയും കണ്ടെത്തിയതിനെ തുടർന്നാണ് നടപടി.
കുട്ടികൾ ഉച്ചവിശ്രമത്തിനായി ഉപയോഗിക്കേണ്ട ബെഡ്ഷീറ്റുകൾ വിതരണം ചെയ്യാതെ പൂഴ്ത്തിവെച്ചതും, കേടായ ഭക്ഷ്യധാന്യങ്ങൾ വാങ്ങിയതുമായി ബന്ധപ്പെട്ട ഗുരുതര ക്രമക്കേടുകളും അന്വേഷണത്തിൽ കണ്ടെത്തി. ഇതുസംബന്ധിച്ച തെളിവുകൾ പുറത്തുവന്നതോടെയാണ് വനിതാ-ശിശു വികസന വകുപ്പ് മന്ത്രി ബിന്ദു കൃഷ്ണ ഇടപെട്ടത്.
സംഭവത്തിൽ വിശദമായ തുടർ അന്വേഷണത്തിനും മന്ത്രി ഉത്തരവിട്ടിട്ടുണ്ട്. ബിഗ് ടിവി പുറത്തുകൊണ്ടുവന്ന വാർത്തയെ തുടർന്നാണ് സസ്പെൻഷൻ നടപടി സ്വീകരിച്ചത്. അന്വേഷണ റിപ്പോർട്ടിന്റെ അടിസ്ഥാനത്തിൽ കൂടുതൽ നടപടികൾ ഉണ്ടാകുമെന്നാണ് വകുപ്പ് നൽകുന്ന സൂചന
