സംസ്ഥാനത്ത് ഇന്നും വേനൽ മഴയ്ക്ക് സാധ്യത.ആറ് ജില്ലകളിൽ യെല്ലോ അലേർട്ട് പ്രഖ്യാപിച്ചു.തിരുവനന്തപുരം കൊല്ലം ആലപ്പുഴ എറണാകുളം മലപ്പുറം കാസർഗോഡ് ജില്ലകളിലാണ് മുന്നറിയിപ്പ്. മഴയ്ക്കൊപ്പം ഇടിമിന്നലിനും ശക്തമായ കാറ്റിനും സാധ്യതയുള്ളതിനാൽ ജാഗ്രത പുലർത്തണമെന്നാണ് ദുരന്ത നിവാരണ അതോറിറ്റിയുടെ നിർദേശം. കേരള ലക്ഷദ്വീപ് തീരങ്ങളിൽ മത്സ്യബന്ധനത്തിന് വിലക്കേർപ്പെടുത്തി.
മഴ കനത്തതോടെ ഡെങ്കിപ്പനി, എലിപ്പനി ബാധിതരുടെ എണ്ണം കുതിച്ചുയരുകയാണ്. 670 പേർക്കാണ് ഈ മാസം ഡെങ്കിപ്പനി സ്ഥിരീകരിച്ചത്. 2153 പേർക്ക് രോഗബാധ സംശയിക്കുന്നു. ഇന്നലെ മാത്രം 34 പേർക്ക് ഡെങ്കിപ്പനി സ്ഥിരീകരിച്ചു. 115 പേർക്ക് എലിപ്പനി ബാധിച്ചു. 8 പേർ ഈ മാസം മാത്രം മരിച്ചു. ഇടവിട്ടുള്ള മഴയാണ് ഡങ്കി പരത്തുന്ന കൊതുകുകളുടെ എണ്ണം കൂട്ടിയത്. മഴ കനക്കുന്നതോടെ ഡങ്കിപ്പനി ബാധിതരുടെ എണ്ണം വീണ്ടും ഉയരും. ഡങ്കിപ്പനിയും എലിപ്പനിയും വർധിക്കുമ്പോഴും മാലിന്യ നീക്കവും കൊതുകുകളുടെ ഉറവിടം നശീകരണ പ്രവൃത്തികളും മന്ദഗതിയിലാണ്
