വെള്ളാപ്പള്ളി നടേശൻ പ്രതിയായ മൈക്രോ ഫിനാൻസ് തട്ടിപ്പ് കേസിൽ അന്വേഷണസംഘത്തെ വിമർശിച്ച് ഹൈക്കോടതി. അന്വേഷണ റിപ്പോർട്ട് നൽകാൻ കൂടുതൽ സമയം ആവശ്യപ്പെട്ടതോടെയാണ് കോടതി കടുത്ത അതൃപ്തി രേഖപ്പെടുത്തിയത്. എസ്പി ശശിധരനെ ചുമതലയിൽ നിന്നും മാറ്റി മറ്റൊരു ഉദ്യോഗസ്ഥനെ നിയോഗിക്കുമെന്നാണ് മുന്നറിയിപ്പ്.
നിരന്തരം നിർദേശിച്ചിട്ടും അന്വേഷണ പുരോഗതി റിപ്പോർട്ട് നൽകുന്നില്ല. കേസ് കൈകാര്യം ചെയ്യാൻ അന്വേഷണ ഉദ്യോഗസ്ഥന് സമയമില്ല. അന്വേഷണ ഉദ്യോഗസ്ഥന് മേൽ സമ്മർദം ഉണ്ടായിരിക്കാം എന്നും മൂന്നാഴ്ചക്കകം റിപ്പോർട്ട് നൽകിയില്ലെങ്കിൽ കടുത്ത നടപടി സ്വീകരിക്കുമെന്നും ജസ്റ്റിസ് എ ബദറുദ്ദീൻ മുന്നറിയിപ്പ് നൽകി.
