സംസ്ഥാനത്ത് ഇന്നും ശക്തമായ മഴയ്ക്ക് സാധ്യത. ഏഴു ജില്ലകളില് ഇന്ന് യെല്ലോ അലേര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം എന്നീ ജില്ലകളിലാണ് ശക്തമായ മഴ മുന്നറിയിപ്പ് നല്കിയിരിക്കുന്നത്. മഴയ്ക്കൊപ്പം ശക്തമായ കാറ്റിനും ഇടിമിന്നലിനും സാധ്യതയുണ്ട്.ഞായറാഴ്ച ആലപ്പുഴ, കോട്ടയം, എറണാകുളം, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് യെല്ലോ അലേർട്ട് പ്രഖ്യാപിച്ചിട്ടുണ്ട്. ബംഗാള് ഉള്ക്കടലില് ന്യൂനമര്ദവും കര്ണാടകയ്ക്ക് മുകളില് ചക്രവാതച്ചുഴിയും രൂപപ്പെട്ടതിനാലാണ് കേരളത്തില് ഈ ദിവസങ്ങളില് മഴ തുടരാന് സാധ്യതയുള്ളത്.
അതേസമയം, ഇത്തവണ കാലവര്ഷം നേരത്തെയെത്തും. ഈ മാസം 26ഓടെ സംസ്ഥാനത്ത് തെക്ക്, പടിഞ്ഞാറന് കാലവര്ഷം എത്തിച്ചേര്ന്നേക്കുമെന്ന് കാലാവസ്ഥ നിരീക്ഷണ കേന്ദ്രം അറിയിച്ചു. നാലുദിവസം നേരത്തെയാകാനോ വൈകാനോ സാധ്യതയുണ്ട്. സാധാരണ ജൂണ് ഒന്നിനാണ് കേരളത്തില് കാലവര്ഷം തുടങ്ങുന്നത്. കഴിഞ്ഞ വര്ഷം മേയ് 24ന് കാലവര്ഷം കേരള തീരം തൊട്ടിരുന്നു. അതേ സമയം തന്നെഇടിമിന്നലിനും ശക്തമായ കാറ്റിനുമുള്ള സാധ്യതയും ഉള്ളതിനാൽ ജനങ്ങൾ മുൻകരുതലുകൾ സ്വീകരിക്കുക.
