സംസ്ഥാനത്ത് ഇന്നും ശക്തമായ കാലവർഷ മഴയ്ക്ക് സാധ്യത. പതിനാല് ജില്ലകളിലും കേന്ദ്ര കാലാവസ്ഥാ വകുപ്പ് മഴ മുന്നറിയിപ്പ് പ്രഖ്യാപിച്ചിട്ടുണ്ട്. കണ്ണൂർ കാസർഗോഡ് ജില്ലകളിൽ ഓറഞ്ച് അലേർട്ടും, ബാക്കി 12 ജില്ലകളിൽ യെല്ലോ അലേർട്ടുമാണുള്ളത്. മഴയോടൊപ്പം ശക്തമായ കാലവർഷക്കാറ്റിനും ഇടിമിന്നലിനും സാധ്യതയുള്ളതിനാൽ പൊതുജനങ്ങൾ ജാഗ്രത പാലിക്കണം. മലയോര തീരദേശ മേഖലകളിൽ പ്രത്യേക ജാഗ്രത നിർദ്ദേശവും ദുരന്തനിവാരണ അതോറിറ്റി പുറപ്പെടുവിച്ചിട്ടുണ്ട്. ജൂലൈ ആദ്യ വാരം സീസണിലെ ആദ്യ ന്യുന മർദ്ദം ബംഗാൾ ഉൾകടലിൽ രൂപപ്പെടുകയും, പസഫിക് സമുദ്രത്തിൽ രൂപപ്പെടുന്ന ന്യുന മർദ്ദം ശക്തി പ്രാപിക്കുകയും ചെയ്താൽ ഭേദപ്പെട്ട മഴ ലഭിക്കുമെന്നാണ് കാലാവസ്ഥ വിദഗ്ധരുടെ വിലയിരുത്തൽ. മലവെള്ളപ്പാച്ചിലിനും മണ്ണിടിച്ചിലിനും സാധ്യതയുള്ളതിനാൽ പൊതുജനങ്ങൾ അതീവ ജാഗ്രത പാലിക്കണമെന്ന് സംസ്ഥാന ദുരന്ത നിവാരണ അതോറിറ്റി നിർദേശിച്ചു.
സംസ്ഥാനത്ത് ഇന്ന് ശക്തമായ മഴയ്ക്ക് സാധ്യത;പതിനാല് ജില്ലകളിലും മുന്നറിയിപ്പ്
1 min read
