കേരളത്തിൽ സ്വർണവിലയിൽ ചരിത്രത്തിലെ ഏറ്റവും വലിയ വർധന. ഇന്ന് മാത്രം ഒരു പവന് 10,200 രൂപ ഉയർന്ന് വില 1,23,120 രൂപയായി. കേന്ദ്ര സർക്കാർ സ്വർണത്തിന്റെ ഇറക്കുമതി നികുതി ഉയർത്തിയതോടെയാണ് വിപണിയിൽ വൻ ചലനം ഉണ്ടായത്.22 കാരറ്റ് സ്വർണം ഗ്രാമിന് 15,390 രൂപയായി. പണിക്കൂലിയും ജിഎസ്ടിയും കൂടി കണക്കിലെടുക്കുമ്പോൾ ഒരു പവൻ വാങ്ങാൻ ഏകദേശം 1.39 ലക്ഷം രൂപ വരെ ചെലവാകുമെന്നാണ് ജ്വല്ലറി വ്യാപാരികൾ പറയുന്നത്.
18 കാരറ്റ് സ്വർണം ഗ്രാമിന് 12,640 രൂപയായും വെള്ളി ഗ്രാമിന് 320 രൂപയായും ഉയർന്നു. അടുത്ത ദിവസങ്ങളിലും ആഗോള വിപണിയിലെ മാറ്റങ്ങൾക്ക് അനുസരിച്ച് വില വീണ്ടും ഉയരാനിടയുണ്ടെന്നാണ് സൂചന.അത്യാവശ്യമില്ലാത്ത ആവശ്യങ്ങൾക്കായി സ്വർണം വാങ്ങുന്നത് അടുത്ത ഒരു വർഷത്തേക്ക് ഒഴിവാക്കണമെന്ന് പ്രധാനമന്ത്രി നരേന്ദ്ര മോദി പറഞ്ഞതിന് പിന്നാലെയാണ് വിലയിൽ ഈ വൻ ചാട്ടം രേഖപ്പെടുത്തിയത്. വിവാഹം ഉൾപ്പെടെയുള്ള ആവശ്യങ്ങൾക്കായി സ്വർണം വാങ്ങാൻ പദ്ധതിയിട്ടിരുന്ന സാധാരണക്കാർക്ക് വലിയ തിരിച്ചടിയായിരിക്കുകയാണ് പുതിയ വിലവർധന.
