മുൻ മലപ്പുറം എസ്.പി സുജിത് ദാസ് ഐ.പി.എസ് ഉൾപ്പെടെയുള്ള പൊലീസ് ഉദ്യോഗസ്ഥർ പ്രതിയായ ബലാത്സംഗക്കേസിൽ ഹൈക്കോടതിയിൽ അപ്പീൽ.സുജിത് ദാസ് ഉൾപ്പടെ മൂന്ന് പോലീസ് ഉദ്യോഗസ്ഥരാണ് ഹൈക്കോടതിയെ സമീപിച്ചത്. കേസ് രജിസ്റ്റർ ചെയ്ത് അന്വേഷണം നടത്തണമെന്ന പൊന്നാനി മജിസ്ട്രേറ്റ് കോടതിയുടെ ഉത്തരവ് റദ്ദാക്കണമെന്നാണ് അപ്പീലിലെ ആവശ്യം.
സുജിത് ദാസ്, ഡിവൈ.എസ്.പി വി.വി ബെന്നി, എസ്.എച്ച്.ഒ വിനോദ് വലിയാറ്റൂർ എന്നിവരാണ് ഹൈക്കോടതിയിൽ ഹർജി നൽകിയത്.തങ്ങൾക്കെതിരെ കേസെടുത്ത് അന്വേഷണം നടത്തണമെന്ന പൊന്നാനി മജിസ്ട്രേറ്റ് കോടതിയുടെ ഉത്തരവ് റദ്ദാക്കണമെന്നാണ് ആവശ്യം. പരാതിക്ക് പിന്നിൽ ഗൂഢാലോചനയുണ്ടെന്നും, തങ്ങളുടെ വാദം പരിഗണിക്കാതെയാണ് മജിസ്ട്രേറ്റ് കോടതി ഉത്തരവിട്ടതെന്നും അപ്പീലിൽ ആരോപിക്കുന്നു.ഹർജി പരിഗണിച്ച ഹൈക്കോടതി സംസ്ഥാന സർക്കാരിന് നോട്ടീസ് അയച്ചു.
പൊന്നാനി സ്വദേശിയായ യുവതിയുടെ പരാതിയിലാണ് മുൻ മലപ്പുറം എസ്.പി സുജിത് ദാസ്, ഡിവൈ.എസ്.പി വി.വി ബെന്നി, എസ്.എച്ച്.ഒ വിനോദ് വലിയാറ്റൂർ എന്നിവർക്കെതിരെ കേസെടുത്ത് അന്വേഷണം നടത്താൻ പൊന്നാനി മജിസ്ട്രേറ്റ് കോടതി പൊലീസിന് നിർദേശം നൽകിയത്.
