തുടർച്ചയായ മത്സ്യബന്ധന അപകടങ്ങളുടെ പശ്ചാത്തലത്തിൽ മത്സ്യത്തൊഴിലാളികളുടെ പ്രതിഷേധം ശക്തമാകുന്നതിനിടെ അടിയന്തര നടപടികളുമായി സർക്കാർ. മത്സ്യത്തൊഴിലാളികളുടെ രക്ഷാപ്രവർത്തനത്തിന് പ്രത്യേക എസ്.ഒ.പി തയ്യാറാക്കും.
അപകടമുണ്ടായാൽ ആദ്യ മണിക്കൂറിൽ സ്വീകരിക്കേണ്ട രക്ഷാപ്രവർത്തന നടപടികൾ ഉൾപ്പെടെ വ്യക്തമായ മാർഗനിർദ്ദേശം തയ്യാറാക്കും. ഇതിനായി വിദഗ്ധ സമിതിയെ നിയോഗിക്കും. തീരമേഖലയിലെ പ്രശ്നങ്ങൾ ചർച്ച ചെയ്യാൻ പ്രത്യേക മന്ത്രിസഭാ യോഗവും ചേർന്നു.
മത്സ്യത്തൊഴിലാളികൾക്കായി ‘തീര ഭവനം’ എന്ന പേരിൽ പുതിയ ഭവന പദ്ധതിയും നടപ്പാക്കും. വീടും സ്ഥലവും ആവശ്യമുള്ളവർക്ക് 15 ലക്ഷം രൂപയും, വീട് മാത്രം ആവശ്യമുള്ളവർക്ക് 7 ലക്ഷം രൂപയും സഹായം നൽകും. പുനർഗേഹം പദ്ധതിയിൽ നിർമ്മിക്കുന്ന വീടുകൾക്ക് 2 ലക്ഷം രൂപ അധിക സഹായവും അനുവദിക്കും
