പതിനാറാമത് ഡിവൈഎഫ്ഐ സംസ്ഥാന സമ്മേളനത്തിന് തൃശൂരിൽ ഇന്ന് തുടക്കമാകും. വൈകിട്ട് അഞ്ചിന് രക്തസാക്ഷി മണ്ഡപത്തിൽ സ്വാഗതസംഘം ചെയർമാൻ കെ.വി. അബ്ദുൾ ഖാദർ പതാക ഉയർത്തുന്നതോടെ സമ്മേളനത്തിന് ഔദ്യോഗിക തുടക്കമാകും. നാല് ദിവസങ്ങളിലായാണ് സമ്മേളനം നടക്കുന്നത്.20ന് രാവിലെ 10ന് സമ്മേളന നഗരിയായ റീജിയണൽ തിയറ്ററിലെ പുഷ്പൻ നഗറിൽ പ്രതിനിധി സമ്മേളനം നടൻ പ്രകാശ് രാജ് ഉദ്ഘാടനം ചെയ്യും. തുടർന്ന് എസ്എഫ്ഐ ദേശീയ ജോയിന്റ് സെക്രട്ടറി ഐഷി ഘോഷ് സംസാരിക്കും.
21ന് വൈകിട്ട് അഞ്ചിന് രക്തസാക്ഷി കുടുംബസംഗമം സിപിഐഎം സംസ്ഥാന സെക്രട്ടറി എം.വി. ഗോവിന്ദൻ മാസ്റ്റർ ഉദ്ഘാടനം ചെയ്യും. 22ന് വൈകിട്ട് നാലിന് നടക്കുന്ന പൊതുസമ്മേളനം പ്രതിപക്ഷ നേതാവ് ഉദ്ഘാടനം ചെയ്യും.14 ജില്ലകളിൽ നിന്നായി 600ഓളം പ്രതിനിധികൾ സമ്മേളനത്തിൽ പങ്കെടുക്കും. സമ്മേളനത്തിന്റെ ഭാഗമായി വിവിധ വിഷയങ്ങളിൽ സെമിനാറുകളും സംവാദ പരിപാടികളും സംഘടിപ്പിക്കും.
