കണ്ണൂർ സിപിഐഎമ്മിൽ സൈബർ കലാപം. ജില്ലാ സെക്രട്ടറി കെ കെ രാഗേഷിനെ വിമർശിച്ചും പിന്തുണച്ചും പോസ്റ്റുകൾ. പിന്തുണ പോസ്റ്റുകളിലെ കമന്റ്സിലും രാഗേഷിന് രൂക്ഷ വിമർശനമാണ് ഉയരുന്നത്.
സിപിഐഎം കണ്ണൂർ ജില്ലാ സെക്രട്ടറി കെ കെ രാഗേഷ് രാജിവെയ്ക്കണമെന്ന ആവശ്യമാണ് സൈബർ ഇടത്ത് ശക്തമാകുന്നത്. കെ കെ രാഗേഷ് സമൂഹമാധ്യമങ്ങളിൽ പങ്കുവെക്കുന്ന പോസ്റ്റുകൾക്ക് താഴെയാണ് ഇത്തരം കമന്റുകൾ വരുന്നത്. തളിപ്പറമ്പിലും പയ്യന്നൂരിലും സ്ഥാനാർഥി നിർണയത്തിൽ ജില്ലാ കമ്മിറ്റിക്ക് തെറ്റുപറ്റിയെന്ന സിപിഐഎം സംസ്ഥാന സമിതിയുടെ തെരഞ്ഞെടുപ്പ് അവലോകന റിപ്പോർട്ട് വന്നതോടെയാണ് പ്രതിഷേധം സൈബറിടത്തിൽ ശക്തമായത്. തുടർന്ന് കെ കെ രാഗേഷിന് പിന്തുണ നൽകി സിപിഐഎം നേതാക്കൾ രംഗത്തെത്തി. എ എൻ ഷംസീർ, കാരായി രാജൻ, വി കെ സനോജ് തുടങ്ങിയവർ രാഗേഷിനെ അനുകൂലിച്ച് പോസ്റ്റുകൾ ഇട്ടിരിരുന്നു. എന്നാൽ ഈ പിന്തുണ പോസ്റ്റുകളിലെ കമന്റ്സിലും രാഗേഷിന് രൂക്ഷ വിമർശനമാണ് ഉയരുന്നത്.
