സംസ്ഥാനത്ത് വീണ്ടും പാമ്പുകടിയേറ്റ് മരണം. കണ്ണൂർ തളിപ്പറമ്പ് സ്വദേശി മുതുകുട കല്ലടത്ത് നബീസ(65) ആണ് മരിച്ചത്. കണ്ണൂർ പരിയാരം മെഡിക്കൽ കോളജ് ആശുപത്രിയിൽ ചികിത്സയിലിരിക്കെയാണ് മരണം.
കഴിഞ്ഞ വെള്ളിയാഴ്ചയാണ് നബീസയെ പാമ്പ് കടിച്ചത്. പാമ്പ് കടിയേറ്റ സമയത്ത് വീട്ടില് മറ്റാരും ഉണ്ടായിരുന്നില്ല. അതിനാൽ വീടിന് അകത്തുവച്ചാണോ പുറത്തുവച്ചാണോ നബീസയ്ക്ക് പാമ്പ് കടിയേറ്റത് എന്ന കാര്യത്തില് വ്യക്തതയില്ല. പിന്നീട് വീടിനകത്ത് അവശനിലയില് കണ്ടെത്തിയ നബീസയെ തളിപ്പറമ്പ് സഹകരണ ആശുപത്രിയില് പ്രവേശിപ്പിക്കുകയായിരുന്നു.
വീട്ടിലും പരിസരത്തും തെരച്ചിൽ നടത്തിയെങ്കിലും പാമ്പിനെ കണ്ടെത്തനായില്ല. ഗുരുതരാവസ്ഥയിലായിരുന്നതിനാല് വിദഗ്ധ ചികിത്സയ്ക്കായി നബീസയെ പിന്നീട് പരിയാരം മെഡിക്കല് കോളജിലേക്ക് കൊണ്ടുപോകുകയായിരുന്നു.
ചികിത്സയിലിരിക്കെ ഇന്ന് പുലർച്ചെയാണ് മരണം സംഭവിച്ചത്.
