യൂത്ത് കോൺഗ്രസ് നേതാക്കൾ പ്രതികളായ കാസർഗോഡ് എംഡിഎംഎ കേസിൽ നാല് പ്രതികളും പൊലീസ് കസ്റ്റഡിയിൽ. പ്രതികളുമായി പൊലീസ് സംഘം ഇന്ന് തെളിവെടുപ്പ് നടത്തും. ലഹരി പിടികൂടിയ സ്ഥലങ്ങളിൽ പ്രതികളെ എത്തിച്ചാകും തെളിവെടുപ്പ്.തെളിവെടുപ്പ് പൂർത്തിയാക്കിയ ശേഷം പ്രതികളെ വിശദമായി ചോദ്യം ചെയ്യാനാണ് അന്വേഷണ സംഘത്തിന്റെ നീക്കം.
ലഹരിയുടെ ഉറവിടവും വിതരണ ശൃംഖലയെക്കുറിച്ചുള്ള വിവരങ്ങളും പ്രതികളിൽ നിന്ന് ലഭിക്കുമെന്നാണ് പൊലീസിന്റെ പ്രതീക്ഷ.നാല് പ്രതികളെയും മൂന്ന് ദിവസത്തേക്കാണ് പൊലീസ് കസ്റ്റഡിയിൽ ലഭിച്ചിരിക്കുന്നത്. 140 ഗ്രാം എംഡിഎംഎയുമായി ഈ മാസം ഒമ്പതിനാണ് നാല് കോൺഗ്രസ് പ്രവർത്തകർ പിടിയിലായത്. പ്രതികളെ പിടികൂടി പത്ത് ദിവസത്തിന് ശേഷമാണ് പൊലീസ് കസ്റ്റഡി അപേക്ഷ നൽകിയത്.
