യാക്കോബായ–ഓർത്തഡോക്സ് സഭാ തർക്കത്തിന് ശാശ്വത പരിഹാരം കാണുകയാണ് സർക്കാരിന്റെ ലക്ഷ്യമെന്ന് മുഖ്യമന്ത്രി വി ഡി സതീശൻ. കാലങ്ങളായി തുടരുന്ന പ്രശ്നം പരിഹരിക്കാൻ സർക്കാർ മുൻകൈയെടുക്കുമെന്നും മുഖ്യമന്ത്രി പറഞ്ഞു.യാക്കോബായ സുറിയാനി സഭയുടെ തിരുവനന്തപുരം മേഖല മെത്രാപ്പോലീത്തയായി ഡോ. കുര്യാക്കോസ് മാർ തെയോഫിലോസ് സ്ഥാനമേൽക്കുന്ന ചടങ്ങിലായിരുന്നു മുഖ്യമന്ത്രിയുടെ പ്രതികരണം. വർഷങ്ങളായി നിലനിൽക്കുന്ന സഭാ തർക്കം പരിഹരിക്കാൻ സർക്കാർ ആവശ്യമായ ഇടപെടലുകൾ നടത്തുമെന്നും അദ്ദേഹം വ്യക്തമാക്കി.
ചടങ്ങിൽ സംസാരിച്ച ഡോ. കുര്യാക്കോസ് മാർ തെയോഫിലോസ്, മുഖ്യമന്ത്രി കേരള ജനതയ്ക്ക് വലിയ പ്രതീക്ഷയാണെന്ന് പറഞ്ഞു. സഭാ തർക്കം പരിഹരിക്കാൻ സർക്കാർ ഇടപെടുമെന്ന പ്രഖ്യാപനം പ്രതീക്ഷ നൽകുന്നതാണെന്നും അദ്ദേഹം കൂട്ടിച്ചേർത്തു.സഭാ തർക്കത്തിന് പരിഹാരം കാണാമെന്ന് മുഖ്യമന്ത്രി തന്നെ വ്യക്തമാക്കിയ സാഹചര്യത്തിൽ ഇനി വലിയ പ്രതീക്ഷയോടെയാണ് മുന്നോട്ടുപോകുന്നതെന്ന് യാക്കോബായ സഭാ അധ്യക്ഷൻ ബസേലിയോസ് തോമസ് പ്രഥമൻ കാതോലിക്കാ ബാവ പ്രതികരിച്ചു.
