ഏഷ്യൻ ഗെയിംസിൽ വനിതകളുടെ 400 മീറ്റർ ഹർഡിൽസിൽ ചരിത്രനേട്ടവുമായി വിദ്യ രാംരാജ്. 54.75 സെക്കൻഡിൽ ഫിനിഷ് ചെയ്ത് പി.ടി. ഉഷയുടെ 42 വർഷം പഴക്കമുള്ള ദേശീയ റെക്കോഡാണ് വിദ്യ തിരുത്തിയത്.
1984ലെ ലോസ് ആഞ്ചലസ് ഒളിമ്പിക്സിൽ 55.42 സെക്കൻഡിൽ പി.ടി. ഉഷ സ്ഥാപിച്ച റെക്കോഡാണ് വിദ്യ മറികടന്നത്. ഏഷ്യൻ ഗെയിംസ് ഫൈനലിൽ വെങ്കല മെഡൽ നേടിയാണ് കോയമ്പത്തൂർ സ്വദേശിയായ വിദ്യയുടെ റെക്കോഡ് നേട്ടം.
അതേസമയം, 400 മീറ്റർ ഹർഡിൽസിൽ മലയാളിയായ അനു രാഘവനും ഫൈനലിൽ മത്സരിച്ചെങ്കിലും അഞ്ചാം സ്ഥാനത്താണ് ഫിനിഷ് ചെയ്തത്.1984ലെ ഒളിമ്പിക്സിൽ സെക്കൻഡിന്റെ നൂറിലൊരംശത്തിന് മെഡൽ നഷ്ടമായ പി.ടി. ഉഷയുടെ റെക്കോഡാണ് നാല് പതിറ്റാണ്ടുകൾക്ക് ശേഷം വിദ്യ തിരുത്തിയത്.
