സംസ്ഥാനത്തെ സ്കൂളുകൾ ഓണം അവധിക്കായി ഇന്ന് അടയ്ക്കും. എട്ടാം ക്ലാസിലെ ഒരു പരീക്ഷ ഒഴികെ ബാക്കിയുള്ള പരീക്ഷകളെല്ലാം പൂർത്തിയായി. ഇന്ന് നടത്താൻ നിശ്ചയിച്ചിരുന്ന പരീക്ഷ വിദ്യാർഥികളുടെ പരാതിയെ തുടർന്ന് സെപ്റ്റംബർ ഒന്നിലേക്ക് മാറ്റി.വിപുലമായ ഓണാഘോഷ പരിപാടികൾക്കാണ് സ്കൂളുകളും കോളേജുകളും ഇന്ന് വേദിയാകുക. ഓണാഘോഷത്തിന്റെ ഭാഗമായി വിദ്യാർഥികൾക്ക് ഇന്ന് യൂണിഫോം നിർബന്ധമല്ല.
