യാത്രക്കാർക്ക് കൂടുതൽ വേഗത്തിലും എളുപ്പത്തിലും ടിക്കറ്റ് ബുക്ക് ചെയ്യാൻ കെഎസ്ആർടിസി AI അധിഷ്ഠിത വാട്സ്ആപ്പ് ടിക്കറ്റ് ബുക്കിംഗ് സംവിധാനം ആരംഭിച്ചു. 94470 71021 എന്ന നമ്പറിലേക്ക് യാത്രയുടെ വിശദാംശങ്ങൾ വാട്സ്ആപ്പിൽ അയച്ചാൽ ലഭ്യമായ സർവീസുകളും സീറ്റുകളും അറിയാനും നേരിട്ട് ടിക്കറ്റ് ബുക്ക് ചെയ്യാനും കഴിയും.
മലയാളം, ഇംഗ്ലീഷ് ഉൾപ്പെടെ വിവിധ ഭാഷകൾക്കൊപ്പം മംഗ്ലീഷിലും ആശയവിനിമയം നടത്താനാകുന്ന തരത്തിലാണ് സംവിധാനം ഒരുക്കിയിരിക്കുന്നത്. എഐയുടെ സഹായത്തോടെ പ്രവർത്തിക്കുന്ന ഈ സേവനം യാത്രക്കാർക്ക് 24 മണിക്കൂറും ലഭ്യമാകും.
ഇതിനൊപ്പം 14 എന്ന ടോൾ ഫ്രീ കസ്റ്റമർ കെയർ നമ്പരും കെഎസ്ആർടിസി ആരംഭിച്ചു. ഗതാഗതമന്ത്രി സി.പി. ജോൺ പദ്ധതിയുടെ ഉദ്ഘാടനം നിർവഹിച്ചു. കെഎസ്ആർടിസി കൂടുതൽ ആധുനിക സേവനങ്ങളിലേക്ക് മാറുകയാണെന്ന് മന്ത്രി പറഞ്ഞു.ആരോഗ്യമന്ത്രി കെ. മുരളീധരനും ചടങ്ങിൽ പങ്കെടുത്തു. മികച്ച പ്രവർത്തനം കാഴ്ചവച്ച കെഎസ്ആർടിസി ജീവനക്കാർക്കും വിവിധ യൂണിറ്റുകൾക്കുമുള്ള സംസ്ഥാനതല അവാർഡുകളും ചടങ്ങിൽ വിതരണം ചെയ്തു
