സംസ്ഥാനത്ത് ദിവസങ്ങൾക്കുശേഷം വീണ്ടും വൈദ്യുതി നിയന്ത്രണം ഏർപ്പെടുത്തുമെന്ന് കെഎസ്ഇബി. വൈദ്യുതി ആവശ്യകത കുത്തനെ ഉയർന്ന സാഹചര്യത്തിലാണ് പീക്ക് സമയങ്ങളിൽ ഭാഗിക നിയന്ത്രണം ഏർപ്പെടുത്താൻ തീരുമാനിച്ചത്.ഇന്ന് മാത്രം 400 മുതൽ 500 മെഗാവാട്ട് വരെ അധിക വൈദ്യുതി ആവശ്യകത രേഖപ്പെടുത്തിയെന്നാണ് കെഎസ്ഇബി വ്യക്തമാക്കുന്നത്. കഴിഞ്ഞ ദിവസങ്ങളിൽ പവർ എക്സ്ചേഞ്ചിൽ നിന്ന് ആവശ്യമായ വൈദ്യുതി ലഭിക്കാതിരുന്നതും നിലവിലെ പ്രതിസന്ധി രൂക്ഷമാക്കി.ആവശ്യവും ലഭ്യതയും തമ്മിലുള്ള അന്തരം പരിഹരിക്കാനാണ് വൈകുന്നേരത്തെ പീക്ക് അവറുകളിൽ വൈദ്യുതി നിയന്ത്രണം നടപ്പാക്കുന്നത്. ഉപഭോക്താക്കൾ കഴിയുന്നത്ര വൈദ്യുതി ഉപയോഗം കുറയ്ക്കണമെന്നും അനാവശ്യ വൈദ്യുത ഉപകരണങ്ങളുടെ ഉപയോഗം ഒഴിവാക്കി കെഎസ്ഇബിയുമായി സഹകരിക്കണമെന്നും അധികൃതർ അഭ്യർഥിച്ചു.
സംസ്ഥാനത്ത് വീണ്ടും വൈദ്യുതി നിയന്ത്രണം; പീക്ക് സമയത്ത് ലോഡ് നിയന്ത്രിക്കുമെന്ന് കെഎസ്ഇബി
1 min read
