തൃശൂർ തൃപ്രയാറിൽ കാർ ആക്രമിച്ച് 16 ലക്ഷം രൂപ കവർന്ന സംഭവത്തിൽ അന്വേഷണം ഊർജിതമാക്കി പൊലീസ്. കേസിന്റെ അന്വേഷണത്തിനായി ഇരിങ്ങാലക്കുട ഡിവൈഎസ്പിയുടെ നേതൃത്വത്തിലുള്ള പത്തംഗ പ്രത്യേക അന്വേഷണസംഘം രൂപീകരിച്ചു.
പ്രതികൾ കവർച്ചയ്ക്കായി ഉപയോഗിച്ച സിൽവർ നിറത്തിലുള്ള ഇന്നോവ കാർ വലപ്പാട് പൈനൂർ പൂക്കോട്ട് ക്ഷേത്രത്തിന് സമീപം ആളൊഴിഞ്ഞ സ്ഥലത്ത് ഉപേക്ഷിക്കപ്പെട്ട നിലയിൽ കണ്ടെത്തി. കാറിന്റെ ചില്ല് തകർത്ത്, മുളകുപൊടി സ്പ്രേ ചെയ്താണ് കഴിഞ്ഞദിവസം രാത്രിയോടെ അക്രമിസംഘം പണം കവർന്നത്. പ്രതികളെ നിലവിൽ തിരിച്ചറിഞ്ഞിട്ടുണ്ടെന്നും ഇവർ ഉടൻ തന്നെ പിടിയിലാകുമെന്നും പൊലീസ് അറിയിച്ചു.
