സർക്കാർ ഡോക്ടർമാരുടെ പ്രൈവറ്റ് പ്രാക്റ്റീസിൽ വിജിലൻസിന് പരാതിയുമായി പൊതുപ്രവർത്തകൻ. കോഴിക്കോട് മെഡിക്കൽ കോളജിലെ മുന്നൂറിലധികം ഡോക്ടർമാർ പ്രൈവറ്റ് പ്രാക്റ്റീസ് നടത്തുന്നുണ്ടെന്നാണ് പരാതി.
സ്വകാര്യ പ്രാക്റ്റീസ് നടത്തുന്ന ഡോക്ടർമാരുടെ കുറിപ്പടി വിവരങ്ങൾ, ദൃശ്യങ്ങൾ, ഫോൺ കോളുകളുടെ വിവരങ്ങൾ എന്നിവ സഹിതമാണ് പൊതുപ്രവർത്തകൻ നൗഷാദ് തെക്കയിൽ പരാതി നൽകിയത്. നിരവധി തവണ മെഡിക്കൽ കോളജ് അധികൃതർക്കും ആരോഗ്യവകുപ്പിനും പരാതി നൽകിയിട്ടും ഒരു നടപടിയുമുണ്ടായില്ലെന്നും ആരോപണമുണ്ട്.
കോഴിക്കോട് ജില്ലയിൽ സ്വകാര്യ പ്രാക്റ്റീസ് നടത്തുന്ന 200 ഡോക്ടർമാരുടെ പട്ടിക വിജിലൻസ് കഴിഞ്ഞ ദിവസം തയ്യാറാക്കിയിരുന്നു. ഇക്കാര്യം ബിഗ് ടി വി റിപ്പോർട്ട് ചെയ്തതിന് പിന്നാലെയാണ് വിജിലൻസിന് നേരിട്ട് പരാതി ലഭിക്കുന്നത്.
