മുൻ ഇന്ത്യൻ ക്രിക്കറ്റ് ക്യാപ്റ്റൻ സൗരവ് ഗാംഗുലിയുടെ സുരക്ഷാ കാറ്റഗറി ‘Z’ ഗ്രൂപ്പിൽ നിന്ന് ‘Y’ ഗ്രൂപ്പിലേക്ക് പശ്ചിമ ബംഗാൾ സർക്കാർ വെട്ടിക്കുറച്ചു. മുൻ ഇന്ത്യൻ ക്രിക്കറ്റ് ക്യാപ്റ്റൻ നേരിടുന്ന സുരക്ഷാ ഭീഷണികൾ കൃത്യമായി വിലയിരുത്തിയ ശേഷമാണ് സംസ്ഥാന സർക്കാരിന്റെ പുതിയ നടപടി.
2023ലായിരുന്നു ഗാംഗുലിയുടെ സുരക്ഷ ‘Z’ കാറ്റഗറിയിലേക്ക് സർക്കാർ ഉയർത്തിയിരുന്നത്. എന്നാൽ അതിന് മുമ്പ് മുൻ ബിസിസിഐ അധ്യക്ഷൻ കൂടിയായ ഗാംഗുലിക്ക് Y കാറ്റഗറി സുരക്ഷയായിരുന്നു നൽകിയിരുന്നത്. സുരക്ഷാ ഭീഷണികളിൽ മാറ്റമുണ്ടായ പശ്ചാത്തലത്തിലാണ് ഇപ്പോൾ വീണ്ടും പഴയപടിയാക്കാൻ സർക്കാർ തീരുമാനിച്ചിരിക്കുന്നത്.
