പാലക്കാട് വേനൽമഴ കനത്തു; സ്കൂൾ മേൽക്കൂര തകർന്നു വീണ് 5 പേർക്ക് പരുക്ക്

പാലക്കാട് ജില്ലയിൽ ശക്തമായ വേനൽമഴയിലും കാറ്റിലും വ്യാപക നാശനഷ്ടം. വണ്ടാഴിയിൽ സ്കൂൾ മേൽക്കൂര തകർന്നു വീണ് അഞ്ച് പേർക്ക് പരുക്കേറ്റു, വടക്കഞ്ചേരി പ്രധാനിയിൽ മരങ്ങൾ കടപുഴകി വീണ് 15 വീടുകൾ തകർന്നു.വണ്ടാഴി സിവിഎം എൽപി സ്കൂളിൽ നവീകരണ ജോലിക്കെത്തിയ തൊഴിലാളികളാണ് അപകടത്തിൽപ്പെട്ടത്. മഴ ശക്തമായതോടെ ഓടുമേഞ്ഞ കെട്ടിടത്തിനുള്ളിലേക്ക് മാറിനിന്ന തൊഴിലാളികളുടെ മുകളിലേക്ക് മേൽക്കൂരയും ചുവരും ഇടിഞ്ഞുവീഴുകയായിരുന്നു. സ്ഥലത്തുണ്ടായിരുന്ന രണ്ട് യുവാക്കൾ വിവരം അറിയിച്ചതിനെ തുടർന്ന് നാട്ടുകാർ ചേർന്ന് രക്ഷാപ്രവർത്തനം നടത്തി. പരിക്കേറ്റവരുടെ നില ഗുരുതരമല്ല.
വടക്കഞ്ചേരി പ്രധാനിയിൽ മരങ്ങൾ കടപുഴകി വീണ് 15 വീടുകൾ തകർന്നു.
പ്രധാനി അംബേദ്ക്കർ ഗ്രാമം ചെല്ലൻ, ചാമി, സുന്ദരി, വെള്ളച്ചി, പൊന്നൻ,വീട്ടിക്കൽ ക്യഷ്ണൻ, രാധാകൃഷ്ൻ, നാസർ, കല്യാണി, രാമകൃഷ്ണൻ എന്നിവരുടെ വീടും നിർത്തിയിട്ട ബൈക്കുമാണ് തകർന്നത്.. ശബ്ദം കേട്ടതോടെ വീട്ടുകാർ ഇറങ്ങി ഓടിയത് കൊണ്ട് വൻ അപകടം ഒഴിവായി. വരുംദിവസങ്ങളിലും ജില്ലയിൽ മഴയുണ്ടാകും എന്നാണ് മുന്നറിയിപ്പ്.