യുദ്ധം അവസാനിപ്പിക്കാൻ നീക്കം;ട്രംപിന്റെ നിർദേശങ്ങൾക്ക് മറുപടി നൽകി ഇറാൻ

ഇറാൻ–യുഎസ് സംഘർഷം അവസാനിപ്പിക്കാനുള്ള അമേരിക്കൻ പ്രസിഡന്റ് ഡോണൾഡ് ട്രംപിന്റെ സമാധാന നിർദേശങ്ങൾക്ക് ഇറാൻ ഔദ്യോഗിക മറുപടി നൽകി. പാക്കിസ്ഥാൻ വഴിയാണ് പ്രതികരണം കൈമാറിയതെന്നാണ് അന്താരാഷ്ട്ര മാധ്യമങ്ങൾ റിപ്പോർട്ട് ചെയ്യുന്നത്.
ഗൾഫ് മേഖലയിലും ഹോർമുസ് കടലിടുക്കിലും സ്ഥിരതയും സുരക്ഷയും ഉറപ്പാക്കുന്നതിനൊപ്പം യുദ്ധവിരാമത്തിനും ദീർഘകാല സമാധാനത്തിനുമാണ് ഇറാൻ മറുപടിയിൽ പ്രധാന്യം നൽകിയിരിക്കുന്നത്. ഭാവിയിൽ വീണ്ടും യുദ്ധസാഹചര്യം ഉണ്ടാകാതിരിക്കാനുള്ള ഉറപ്പുകളും ചർച്ചകളിൽ ഉൾപ്പെട്ടിട്ടുണ്ടെന്നാണ് വിവരം.
ഹോർമുസ് കടലിടുക്കിനെ നിയന്ത്രിക്കാനുള്ള അവകാശം ഇറാന്ക്കാണെന്ന നിലപാടും തെഹ്റാൻ ആവർത്തിച്ചു. എന്നാൽ ഇറാൻ നൽകിയ മറുപടിയുടെ പൂർണ വിശദാംശങ്ങൾ ഇതുവരെ പുറത്തുവിട്ടിട്ടില്ല.