പത്തനംതിട്ട ഏനാത്തെ വാഹനാപകടത്തിൽ പരിക്കേറ്റ നടൻ സന്തോഷ് നായർ അന്തരിച്ചു. സന്തോഷ് നായർ സഞ്ചരിച്ച കാർ ലോറിയുമായി കൂട്ടിയിടിക്കുകയായിരുന്നു. അപകടത്തിൽ സന്തോഷിന്റെ ഭാര്യക്കും പരിക്കേറ്റിരുന്നു. ചികിത്സയിലിരിക്കെ സന്തോഷിന് ഹൃദയാഘാതം സംഭവിക്കുകയായിരുന്നു. അപകടത്തിൽ ലോറി ഡ്രൈവർക്കും പരിക്കുണ്ട്. ഇന്ന് പുലർച്ചെ 6.30നായിരുന്നു അപകടം.
തിയേറ്ററിൽ പ്രദർശനം തുടരുന്ന മോഹിനിയാട്ടം ആണ് അവസാനമായി അഭിനയിച്ച ചിത്രം. വില്ലൻ, നായകൻ, സഹനടൻ, ഹാസ്യനടൻ എന്നിങ്ങനെ വൈവിധ്യമാർന്ന വേഷങ്ങളിൽ നൂറിലധികം ചിത്രങ്ങളിൽ അഭിനയിച്ചിട്ടുണ്ട്. തിരുവനന്തപുരം സ്വദേശിയായ സന്തോഷ് നായർ, എംജി കോളജിൽ നടൻ മോഹൻലാലിന്റെ ജൂനിയറായിരുന്നു.
