പൂനെയിൽ മൂന്ന് വയസ്സുള്ള ആൺകുട്ടിയെ കൊല്ലപ്പെട്ട നിലയിൽ കണ്ടെത്തി.കുഞ്ഞിന്റെ മൃതദേഹം സ്യൂട്ട്കേസിനുള്ളിൽ ഒളിപ്പിച്ച നിലയിലായിരുന്നു.കേസിൽ പ്രായപൂർത്തിയാകാത്ത ഒരാളെ പോലീസ് കസ്റ്റഡിയിലെടുത്തു.ഇരയുടെ അയൽപക്കത്താണ് പ്രതി താമസിച്ചിരുന്നതെന്ന് കണ്ടെത്തി.
മെയ് 1-നാണ് സംഭവം നടന്നത്. വീടിന് പുറത്തു കളിച്ചിരുന്ന കുട്ടിയെ കാണാതായതോടെ കുടുംബം തിരച്ചിൽ ആരംഭിച്ചു. പിന്നീട് പോലീസിൽ പരാതി നൽകി.തുടർന്ന് നടത്തിയ അന്വേഷണത്തിലാണ് സമീപവീട്ടിൽ നിന്ന് കുഞ്ഞിനെ മരിച്ച നിലയിൽ കണ്ടെത്തിയത്.സിസിടിവി ദൃശ്യങ്ങളും സാങ്കേതിക തെളിവുകളും അടിസ്ഥാനമാക്കി പ്രതിയെ തിരിച്ചറിഞ്ഞു. രക്ഷപ്പെടാൻ ശ്രമിക്കുന്നതിനിടെ റെയിൽവേ സ്റ്റേഷനു സമീപത്ത് നിന്ന് പോലീസ് ഇയാളെ പിടികൂടി.
കൊലപാതകവും തെളിവ് നശിപ്പിക്കലും ഉൾപ്പെടെയുള്ള വകുപ്പുകൾ പ്രകാരവും, പോക്സോ നിയമപ്രകാരം കേസെടുത്തു.സംഭവത്തിൽ കൂടുതൽ അന്വേഷണം തുടരുന്നു.
